МОКЫТ.
Мокыт атамасы татар телендә кушамат буларак кына сакланып калган. Элегерәк дәверләрдә сай акыллы, аңгырарак затның исеме булырга тиеш. Халык ышануларында Мокытның кешеләр арасында аңгыралык, наданлык йоктырып йөрүе хакында хәбәрләр бар. Борынгылар фикеренчә, аңгыралык, һәр авыру кебек үк, йогышлы икән. Имеш, аны әлеге мифик зат - Мокыт таратып йөри.
"Мокыт кеше" әйтеме бүгенге көндә дә очрый. Менә матур әдәбияттан берничә мисал: "Бу малайны Мокыт-кеше дидегез (К.Насыйри); "Приказчикларның да әллә нинди Мокыт нәрсәләр шунда" (Ф.Әмирхан).
Контакттагы сайт группасы
